LUWA ang mata, lawit ang dila at may nakapulupot pa sa leeg na interior ng gulong nang matagpuang lumulutang sa Ilog Pasig ang bangkay ng isang lalaki kaninang umaga sa Delpan Bridge sa Tondo,M aynila.
Bukod dito, nakatali rin umano ang kamay ng biktima sa kanyang likod.
Ayon sa imbestigasyon ni SPO1 Richard Limuco, ng Manila Police District-homicide section, alas-7 ng umaga nang itawag sa kanila ng MPD-Police Station 5 ang insidente.
Inilarawan ni Limuco ang biktima na may apat na araw nang patay, nasa edad 35-40, katamtaman ang pangangatawan, may taas 5’4-5’5, nakasuot ng itim na sando at underwear.
Nalaman na may tattoo sa pagkabilang braso ang biktima.
Hinala ng pulisya na biktima ng summary execution ang biktima at itinapon lamang sa Ilog Pasig.
Patuloy na nagsasagawa ng imbestigasyon ang pulisya at dinala ang bangkay sa St. Rich Funeral para sa awtopsiya at safekeeping.
The post Salvage victim lumutang sa Ilog Pasig appeared first on Remate.