PINALIWANAG ng Malakanyang kung bakit sa Naga City, Camarines Sur gagawin ang selebrasyon ng ika-116th anibersaryo ng Philippine Independence, bukas, Hunyo 12.
Ani Presidential spokesman Edwin Lacierda, nakaugalian na ni Pangulong Benigno Aquino III na idaos ito sa iba’t ibang lugar kung saan nagkaroon ng kontribusyon na ipaglaban ang Philippine Independence.
Kung matatandaan aniya, unang itong idinaos ng Chief Executive sa Kawit, Cavite, na sinundan ng Malolos, Bulacan at pagkatapos ay sa Liwasang Bonifacio sa Maynila, at ngayon ay sa Naga City, Camarines Sur.
“He’s been moving around the country to show—to highlight the contribution of the regions’ contribution in the struggle for independence. Not in anyway related to the fact that there is a Scrap Pork Network rally tomorrow. They’re free to do that. We have a vibrant democracy,” aniya pa rin.
Hindi aniya totoo na nais idaos ni Pangulong Aquino sa labas ng Metro Manila ang Independence Day para maiwasan ang nakatakdang kilos-protesta ng mga anti-pork rally group.
Samantala, pagkatapos ng event sa Naga City ay agad namang babalik ng Maynila si Pangulong Aquino para pangunahan naman ang taunang pagdiriwang ng Vin D’Honneur sa Rizal Hall, Malakanyang.
The post Pagdaos ng Araw ng Kalayaan sa Naga, ipinagpaliwanag ng Palasyo appeared first on Remate.