WALANG patid na pag-update, pag-like at pag-comment sa Facebook ang hatid ng Talk ‘N Text (TNT) sa pinakabagong promo nito na FB2, na nagbibigay sa lahat ng TNT subscribers ng unlimited Facebook isang buong araw sa halagang P2 lang.
Sa abot-kayang halaga, hindi ka na mahuhuli sa pinakahuling usap-usapan ng mga ka-tropa at kamag-anak sa Facebook, ang pinakasikat na social networking site sa buong mundo.
Mas madali na rin ipamalita sa lahat ang iyong mga “panalo” moment sa buhay, pati ang mag-comment at mag-like sa mga post ng iyong mga ka-tropa sa Facebook.
Upang ma-enjoy ang FB2, kailangan lang na ikaw ay naka-register nasa alinman sa mga sumusunod na TNT text/call/combo promo: GaanUnliTrio Plus20; Gaan Text 10, All Text 10; Unli Trio 20 Plus; Gaan Text 20; o Patok-o-Tex 10.
Sa loob ng tatlong oras matapos ang successful registration sa alinmang TNT promo na nabanggit, i-text lamang ang FB2 sa 4545 upang ma-enjoy ang unlimited Facebook sa buong araw.
“Bukod sa tawag at text, naging bahagi na rin ng buhay ng mga Pinoy ang Facebook sa pag-konek sa mga kamag-anak at ka-tropa,” saad ni Carlo Endaya, TNT Department Head at Vice President.
“Kaya ngayon, bukod sa abot-kayang call and text combo, handog ng TNT ang dagdag na unlimited FB upang tuloy-tuloy ang komunikasyon sa mga mahal sa buhay,” dagdag ni Endaya.
Ang FB2 ay available hanggang August 31,2014.
Para malaman ang iba pang mga promo at serbisyo ng TNT, sundan lamang ang official account nito sa Facebook (https://www.facebook.com/TalkNText) at Twitter (@TalkNText).
The post Unli Facebook, P2 lang sa Talk ‘N Text FB2 promo appeared first on Remate.