UMABOT sa 16 pasahero ng bus ang sugatan matapos bumangga sa isa pang bus ang sinasakyan ng mga ito malapit sa bahagi ng Fairview General Hospital sa Commonwealth Avenue, kaninang umaga.
Nabatid na bumangga sa likuran ng Fermina Express bus (TYX 330) ang unit ng Nova Auto Transport (TWM 412).
Dahil dito, 16 pasahero ng Nova bus ang bahagyang nasugatan na unang isinugod sa Fairview General Hospital subalit inilipat na rin sa East Avenue Medical Center (EAMC).
Ayon sa drayber ng Fermina Express na si Junie Siquiro, nasa 2nd lane ang minamanehong bus nang salpukin sa likuran ng Nova bus.
Sa lakas ng pagkabangga, wasak ang windshield ng Nova bus habang nagkasira-sira rin ang likod at makina ng binanggang Fermina Express.
Nasangkot na rin nitong mga nakalipas na buwan sa isang aksidente ang isang bus ng Nova Auto Transport sa kaparehong lugar.
The post 16 sugatan sa nagsuwagan na bus sa Commonwealth appeared first on Remate.