URBIZTONDO, PANGASINAN – Nakuha ng Pangasinan Provincial Office (PPO) ang getaway vehicle na ginamit ng mga suspek sa pagpatay kay Urbiztondo Mayor Ernesto Balolong kaninang umaga sa Barangay Poblacion, nasabing bayan.
Samantala, dalawang police na escort ni Balolong na kinilalang sina PO1s Eliseo Ulanday at Edmund Meneses ay namatay din habang paparating sa VMU Hospital dahil sa mga tama ng bala ng baril.
Si Rex Ferrer ay dinala sa RHU Urbiztondo Medical Center para sa medical treatment.
Sa inisyal na imbestigasyon, sinabi ng PPO na ang sasakyan ng mga hindi pa nakikilalang suspek ay Toyota Innova (dark gray) (YB-6600) at narekober sa Barangay Caoayan, Urbiztondo.
Ayon sa PPO, ang mga suspek ay armado ng mga M-16 rifle at .9mm pistol sa pananambang sa mayor at mga kasamahan nito.
Ayon sa nakalap ng REMATE, papuntang munisipyo si Balolong nang harangin ng dark gray na Innova at pinaulanan ng bala ng mga suspek.
May 23 tama ng bala ng baril ang alkalde sanhi ng kanyang agarang pagkamatay.
Matatandaan na si Balolong ay ni-raid ng National Bureau of Investigation (NBI) dahil sa pag-iingat ng mga baril.
The post UPDATE: Getaway vehicle ng killers ni Mayor Balolong narekober appeared first on Remate.