PATAY ang isang sundalo sa naganap na pagsabog sa Sitio Kiamco, Bgy. Maitomaig, Datu Unsay, Maguindanao.
Alas-12:45 kaninang tanghali nang maganap ang insidente na ikinamatay ni Pfc Tabihe, ng Charlie Company ng 45th Infantry Battalion, Philippine Army habang sugatan naman sinaS/Sgt. Pio Herman Hinuldang, Lt. Lemuel Manicdo at Cpl Joel Malyanao Kanseran.
Sakay ng Army truck (KM 450) ang grupo ng mga sundalo papunta sa bulubunduking bahagi ng naturang lugar nang mangyari ang pagsabog.
Nabatid na itinanim ang improvised explosive device (IED) na sumabog na naging dahilan ng pagkamatay ng isang sundalo at pagkasugat ng tatlo pang kasamahan nito.
The post Sundalo patay sa pagpasabog sa Maguindanao appeared first on Remate.