APAT na ang kumpirmadong patay habang isa pa ang pinaghahanap sa naganap na sunog sa isang residential commercial building sa Delpan, Tondo, Maynila kaninang madaling-araw.
Ayon sa inisyal na ulat ng Manila Fire Bureau, nagsimula ang sunog alas-4:00 ng madaling araw sa ikalawang palapag ng bahay at grocery store sa Tahimik St., Tondo, Maynila.
Nabatid na ang mga namatay ay na-trap sa loob ng kuwarto sa ikalawang palapag ng gusali kung saan naroon din ang grocery store.
Nahirapan naman ang mga bumbero na apulahin agad ang sunog dahil sa makipot na daan kaya umabot ang sunog sa ikalimang alarma.
Idineklarang fire out ang sunog ganap na alas-4:46 ng madaling-araw.
Inaalam na ang sanhi ng sunog at pangalan ng mga nasawi na pawang mga babae.
The post Grocery store sumiklab sa Tondo, 4 todas appeared first on Remate.
