BINAWIAN na rin ng buhay ang isa pang sundalo na biktima ng pagsabog sa EOD Battalion headquarters sa Fort Bonificio sa Taguig City, Miyerkules noong isang linggo.
Kinilala ni Philippine Army spokesperson Lt. Col. Noel Detoyato ang biktima na si Master Sgt. Ferdinand Rapal na miyembro ng EOD Battalion ng Philipine Army.
Nabatid na alas-10:30 ng gabi noong Martes at ngayon lamang naiparating sa kanila ang impormasyon.
Si Rapal at isa pang sundalo ay inilipat sa burn unit ng East Avenue Medical Center noong Sabado para mas matugunan ang pangangailangang medikal ng mga ito.
Nananatili naman sa intensive care unit ng East Avenue Medical Center ang isa pang sundalo.
Una nang namatay noong Biyernes ang isa pang sundalo na si Corporal Bernabe Mota dahil hindi kinaya ang komplikasyon sa tinamo nitong sunog sa katawan.
The post Sundalo pang biktima ng pagsabog sa PA headquarters pumanaw na appeared first on Remate.