KRITIKAL ang isang binata matapos pagtripang saksakin ng hindi pa kilalang suspek habang naglalakad ang una kasama ang mga kaibigan sa Caloocan City kagabi, Mayo 8.
Ginagamot na sa Quezon City General Hospital sanhi ng saksak sa katawan si Alvin Lusico, 21, ng Pangako St., Bagong Barrio, nasabing lungsod.
Sa ulat, alas-11:30 ng gabi, naglalakad ang biktima kasama ang ilang kaibigan malapit sa kanilang bahay nang sumulpot ang suspek at undayan ng saksak ang binata.
Matapos ang insidente ay tumakas ang suspek habang dinala naman ang biktima sa QCGH kung saan inaalam na ng mga pulis kung sino ang una.
The post Binata kritikal sa tripper sa Caloocan appeared first on Remate.