MAKALIPAS ang mahigit isang taong pagtatago, nasa kustodiya na ng PNP sa Central Luzon ang maybahay ni Manuel Amalilio na isa sa may-ari ng Aman Futures Group na sangkot sa P12 billion pyramid scam.
Sinabi ni PRO3 regional police director C/Supt. Raul Petrasanta, naaresto ng mga intelligence units ng PNP si Abigail Pendulas, maybahay ni Amalilio, sa Barangay Dolores sa San Fernando City noon pang Mayo 2 ng hatinggabi.
Si Pendulas ang nagtatag ng Aman Futures Group.
Sinabi ni Petrasanta na ginagamit ni Pendulas ang alyas na Azziah de Guzman at binago pa niya ang kanyang anyo.
Nagpa-nose lift o pinatangos ni Pendulas ang kanyang ilong upang hindi makilala ng awtoridad.
Si Pendulas ay nahaharap sa kasong syndicated estafa dahil sa pyramiding scam.
The post Misis ng Aman Group pyramiding scam mastermind tiklo sa Pampanga appeared first on Remate.