KRITIKAL ang isang construction worker nang barilin sa mukha ng kalugar kagabi, May 4 sa Dulong Hernandez, Catmon, Malabon City.
Ginagamot sa MCU hospital si Felix Patricio y Auuato, 30, may kinakasama, ng Purok 6, Dulong Hernandez ng nasabing barangay sanhi ng tama ng ‘di pa batid na kalibre ng baril.
Pinaghahanap naman ng mga awtoridad ang suspek na nakilalang si Tadjile De Vera, ng Purok 6, Catmon ng lungsod.
Sa imbestigasyon ni Sp01 Jerry Dela Torrer, alas-9:45 ng gabi ng maganap ang insidente sa Dulong Hernandez ng nasabing barangay.
Bago ito, napadaan ang bikitma sa grupo ni Marlon Puday kung saan napagbintangan ang una na nagngunguso sa awtoridad hinggil sa iligal na droga.
Hanggang sa dumating si De Vera at agad binaril ang biktima sa mukha.
Nang duguang bumagsak ang biktima, nagmadaling tumakas ang suspek dala ang ginamit na baril.
Patuloy na inaalam ng pulis ang tunay na motibo sa nasabing insidente.
The post Kelot binoga sa mukha, kritikal appeared first on Remate.