NASA 10 talampakan o mahigit 3 metro ang haba ng nahuling sawa habang tumatawid sa kalye sa Justo Lukban Elementary School sa Calixto Dyco St., Paco, Maynila.
Nabatid na isang residente sa lugar na si Lotlot Maravilla ang nakapansin sa sawa habang nagmomotor at inakalang humps kaya muntik niya itong masagasaan.
Bunsod nito, agad siyang tumawag ng ilang kapitbahay upang hulihin ito na tumagal naman sa isang oras dahil sa bigat nitong 9 kilos.
Wala namang nasugatan sa paghuli sa sawa na isang reticulated python o sawang bitin at walang kamandag.
Ayon naman kay Wally Gatmaitan, Secretary ng Barangay 671 na kanila nang itinawag sa Manila Zoo ang nahuling sawa para dito na lamang dalhin.
The post Dambuhalang sawa nahuli sa Maynila appeared first on Remate.