PITO ang patay sa pagsalpok ng dump truck sa isang bahay sa Sitio Mabugnawon, Carcar, Cebu kaninang tanghali.
Anim ang agad na namatay sa lugar ng insidente, habang isa naman ang binawian ng buhay sa pagamutan.
Sinasabing bumangga sa isang bahay ang dump truck na may lamang mga hayup at mga sakay na residente.
Nabatid na galing sa bagsakan ang dump truck para kumuha ng mga bakang nabili sa bayan ng Mantalongon, Cebu pero pagdating sa Sitio Mabugnawon ay naganap na ang aksidente.
Inamin naman ng driver ng trak na nawalan siya ng preno kaya isinalpok na lang niya ang sasakyan sa nasabing bahay.
The post Dump truck sumalpok sa bahay, 7 patay appeared first on Remate.