IPINADAMPOT sa pulisya ng isang mag-asawa ang kanilang sariling anak na gumahasa sa bulag na kapatid nito sa Isabela.
Nakakulong na at sasampahan ng kasong incest ang suspek na itinago sa pangalang Bong, 27, (di tunay na pangalan), isang magsasaka.
Inaresto ng mga barangay official at barangay tanod ang suspek sa kanilang bahay sa Minagbag, Quezon, Isabela alas-8:45 nitong Miyerkules ng gabi.
Sa imbestigasyon, alas-6:30 nitong Miyerkules ng gabi nang gahasain ni Bong ang kanyang bulag na ate sa isang abandonadong bahay-kubo malapit lamang sa kanilang bahay.
Kahit binantaan, nagsumbong ang dalaga sa kanilang mga magulang na humingi naman ng tulong sa mga opisyal ng barangay para maaresto ang suspek.
Hindi naman nabanggit sa ulat kung ano ang nagtulak sa suspek kung bakit ginahasa nito ang sariling kapatid.
The post Bulag niluray ng manyak na bunso appeared first on Remate.