PATAY ang isang mag-asawa matapos araruhin ng sasakyan ang kanilang tindahan ng prutas sa Bgy. San Gabriel, Pamplona, Camarines Sur.
Kinilala ang mga biktima na sina Abrham Sta. Rosa at Lebranda, parehong 72-anyos.
Nabatid na binabaybay ng Nissan Frontier na minamaneho ni Dave Buenavente ang palusong na bahagi ng daan mula Maynila patungong lungsod ng Naga nang mawalan nang kontrol kaya nasalpok ang fruit stand ng mga biktima.
Mahimbing na natutulog ang mga biktima kasama ang kanilang 23-anyos na apo na si Christian nang maganap ang aksidente.
Patuloy namang ginagamot ang binata sa pagamutan.
The post Mag-asawa utas sa araro ng trak appeared first on Remate.