PATAY ang isang lalaki makaraang pagtatagain ng kapatid ng kanyang kalaguyo sa Urdaneta, Pangasinan.
Taga sa ulo at leeg ang ikinamatay ng biktimang tricycle driver na si Onorio Veleroso matapos pagtatagain ng suspek na si Lito Sumilo, kapatid ng kanyang kaluguyo.
Batay sa impormasyon, inihatid ng biktima ang kanyang kalaguyo sa kanilang bahay nang makita sila ng suspek.
Nagawa pang makatakbo ng biktima subalit hinabol siya ng suspek hanggang sa tuluyang mataga sa leeg at ulo.
Ayon kay Marlyn Valeroso, sinabi sa kanya ng mister na pinagbantaan siyang papatayin ng suspek sakaling hiwalayan ang kanyang kapatid.
Pinaghahanap na ng mga awtoridad ang suspek na agad tumakas dala ang itak na ginamit sa krimen.
The post Kelot utas sa taga ng utol ng kalaguyo appeared first on Remate.