MAG-INGAT sa mga babaeng nag-aalok ng panandaliang kaligayahan, baka kasamahan sila ng holdaper.
Ito ang karanasan ng 24-anyos na publishing sales marketing officer nang matangay ang kanyang IPhone at P4,000 cash matapos mabiktima ng mga holdaper na kasama ng babae na naunang nag-alok sa kanya ng sex sa Sta Cruz, Manila.
Personal na dumulog sa tanggapan ng Manila Police District (MPD)-Station 3 ang biktimang si Carlo Banayos, ng 45 Luis Andrade St., Sauyo Compound, Caloocan City.
Naaresto naman ang isa sa suspek na si James Quinto, 20, ng Mauban St., Caloocan City.
Sa report ni Supt. Alrin Gran, hepe ng MPD-Station 3, alas-9:00 ng gabi noong Marso 10 nang maganap ang insidente sa kanto ng Rizal Ave., at Doroteo Jose St., Sta Cruz, Manila.
Ayon sa salaysay ni Banayos, nilapitan siya ng isang babae at inalok siya ng sex hanggang sa paikutan siya ng apat pang kalalakihan at sinabihang irereklamo siya sa pang-aabuso sa una hanggang sa magdeklara ng holdap at tangayin ang kanyang IPhone at P4,000 cash. Walang nagawa ang biktima kundi ibigay ang cellphone at cash sa mga suspek.
The post Grupo ng babaeng nag-aalok ng sex, mga holdaper appeared first on Remate.