MAGKASUNOD na natagpuang wala nang buhay ang dalawang lalaki sa Maynila.
Unang natagpuang patay si Jimmy Roxas, 60, helper mechanic, ng 579 Sevilla St. Binondo, Maynila.
Sa report, natagpuang wala nang buhay ang biktima sa loob ng nakaparadang trak (UKA 481) sa loob ng pinagtatrabahuang bodega sa 650 Dela Paz St. Beata, Pandacan, Maynila.
Samantala, wala na ring buhay nang matagpuan sa harap ng gate ng inuupahang apartment si George Emuslan, alyas Singki, 50, pedicab driver ng 1623 G. Perfecto St. Tondo, Maynila.
Wala namang nakitang anumang sugat sa katawan ang mga biktima na hinihinalang sakit ang sanhi ng pagkamatay.
The post 2 kelot natagpuang patay sa magkahiwalay na lugar sa Maynila appeared first on Remate.