BAGAMAT naapula na ang sunog sa Victoria condominium sa 5th Avenue, Bonifacio Global City, Taguig kanina ay nagsasagawa pa rin ng operasyon ang mga bombero dahil sa nakasusulasok na amoy at makapal na usok.
Nabatid na nanggaling ang matinding usok sa basement ng condominium na masuwerteng wala pang tenant dahil under construction pa.
Sa inisyal na imbestigasyon, sumiklab ang sunog alas-5:40 ng hapon kanina at naapula makaraan ang isang oras.
Lumalabas naman na nasunog na mga basura ang nagdulot ng makapal na usok at masangsang na amoy.
Inaalam na ang sanhi ng sunog.
The post Condominium sa Global City, Taguig nasunog appeared first on Remate.