TIGBAK sa tama ng kalibre 45 ang isang miyembro ng Bureau of Fire Protection (BFP) nang tambangan sa Cotabato nitong Miyerkules, alas-5 ng hapon.
Dead on the spot sanhi ng tama ng bala sa mukha at ulo ang biktimang si Aquino Taib Mamasalagat, nakatalaga sa BFP sa bayan ng Pikit.
Blangko pa ang pulisya kung sino ang pumatay at kung ano ang motibo sa pagpatay sa biktima pero isa sa sinisilip ay rido o awayan sa lupa.
Sa ulat, naganap ang insidente alas-6 nitong Miyerkules ng hapon sa tapat ng isang pampublikong palengle sa Pikit, North Cotabato.
Ayon kay 602nd Brigade Phil. Army spokesman Captain Tony Bulao, bago ito ay nakatayo ang biktima sa harap ng naturang palengke nang lapitan ng dalawang hindi nakilalang suspek at binaril gamit ang kalibre .45 na pistola.
Nang makatiyak na masama ang tama ng kanilang target, tumakas ang mga salarin lulan sa isang motorsiklo patungo sa bahagi ng Pagalungan, Maguindanao.
The post BFP employee, tigbak sa kalibre 45 appeared first on Remate.