KRITIKAL ang isang balut vendor nang barilin ng isa sa tatlong hindi pa nakilalang lalaki habang ang una ay naglalako ng paninda kagabi sa Brgy. Tanza, Navotas City.
Inoobserbahan sa Jose Reyes Memorial Medical Center si Orlando Amiant, 42, ng Barangay Daang Hari sanhi ng isang tama ng ‘di pa batid na kalibre ng baril sa kanang mata na tumagos sa mukha.
Mabilis na tumakas ang mga suspek dala ang ginamit na baril.
Ayon sa ulat, alas 11:25 ng gabi, bitbit ng biktima ang basket na may lamang balut nang magpanggap na bibili ang mga suspek subalit isa sa mga ito ang naglabas na baril at pinutukan sa mata si Orlando.
Patuloy na inaalam ng mga pulis ang tunay na motibo sa nasabing insidente.
The post Balut vendor binaril sa mata sa Navotas appeared first on Remate.