TODAS ang dalawang holdaper na sakay ng motorsiklo matapos makipagbarilan sa mga pulis sa Quezon City kaninang madaling araw, Enero 28, 2014.
Ang dalawa na hindi pa nakikilala ay inilarawan ng mga pulis na 25 hanggang 30-anyos, kayumanggi ang balat, nakasuot ng blue na t-shirt, itim na short at blue na helmet, habang ang isa naman ay 30 hanggang 35-anyos, kayumanggi ang kulay, nakasuot ng kulay blue at green na t-shirt, itim na short at itim na helmet.
Ayon kay PO2 Lucy Paradero ng Quezon City Police District Station-11 Galas, naganap ang insidente sa Araneta Avenue cor. E. Rodriguez, Brgy. Dona Imelda, QC, dakong 12:05 ng madaling-araw.
Sinabi ni PO2 Paradero na nagsasagawa ng patrulya ang mga tauhan ng QCPD police station 11 Galas sakay ng mobile 182 at QC 40 ng team leader nito na si PO3 Michael Soriano nang sitahin nila ang dalawang suspek habang sakay ng isang motorsiklo.
Subalit sa halip na huminto ay pinaharurot pa ng mga suspek ang kanilang dalang motorsiklo dahilan para habulin ang mga ito.
Agad nagpaputok ng baril ang mga suspek dahilan para gumanti ng putok ang mga pulis na ikinasawi ng mga ito.
The post UPDATE: 2 holdaper todas sa engkuwentro sa QC appeared first on Remate.