KILALA na ng mga pulis ang dalawang lalaki na bumaril at nakapatay sa dalaga matapos magsalita na ang dalawang kasama ng huli sa Caloocan City.
Kasong murder ang isinampa sa mga nakalalaya pang sina Jomarie Relojo at isang alyas Michael Tattoo kapwa ng Phase 7-B, Bagong Silang ng lungsod.
Sa record, alas-5 ng madaling-araw noong Bagong Taon, angkas sa motorsiklo ni Rowel Berganio ang biktimang si Mary Joy Caare, 21 at si Nino Villarin at habang nag-iikot sa kanilang lugar sa Phase 7-C, Bagong Silang nang harangin ng mga suspek na may dalang baril.
Nagawang makatakbo ng dalawang lalaki habang naiwan ang biktima na binaril sa ulo na naging dahilan ng agad na kamatayan.
Sa una ay natakot ang dalawang saksi dahil sa kanilang buhay at nang magkaroon ng lakas ng loob ay sinabi na ang dalawang suspek ang responsable sa pagkamatay ng dalaga.
Inaalam na ng mga pulis ang motibo sa pagpatay sa dalaga.
The post Pumatay sa dalaga noong Bagong Taon, kilala na appeared first on Remate.