PATAY ang isang dating pulis matapos pagbabarilin ng riding-in-tandem sa San Simon Barangay Holy Spirit alas-8:00 Sabado ng gabi.
Kinilala ang biktima na si Merick Dimapilis, 34.
Batay sa inisyal na imbestigasyon, pauwi na sana ang biktima lulan ng motorsiklo habang angkas ang kasamang babaeng si Avelyn Delfin nang tambangan ng apat na suspek na sakay ng dalawang motorsiklo.
Sa sobrang galit ng mga suspek, maging ang motorsiklo ng biktima ay pinagbabaril din.
Napag-alaman ng Criminal Investigation and Detection Unit (CIDU) na dating pulis na na-dismis sa serbisyo si Dimapilis.
Nakarekober ng shabu sa bulsa ng jacket ng biktima.
Tinitingnang anggulo ng mga awtoridad ang onsehan sa droga.
The post Ex-parak pinatay ng riding-in-tandem sa QC appeared first on Remate.