LABRADOR, Pangasinan – Isang barangay kagawad at dalawa niyang kasamahan ang inaresto makaraang mahulihan ng shabu sa isinagawang buy-bust operation sa nasabing bayan.
Kinilala ng mga lokal na awtoridad ang mga suspek na sina Edward Magno, barangay kagawad ng Barangay Poblacion West, at dalawang runner na sina Ricardo Diaz at Eddie Mendoza.
Sa imbestigasyon, ilang concern citizen ang tumawag sa himpilan ng pulisya at sinabi ang ilegal na gawain ni Magno at mga kasamahan nito.
Matapos makalap ang impormasyon, nagsagawa ang police ng buy-bust operation.
Dalawa sa mga under-cover agents ang bumili ng shabu sa grupo ni Magno at agad silang hinuli makaraang iabot ang illegal drugs.
Nakumpiska sa mga suspek ang undetermined amount ng shabu at drug paraphernalia.
Mariin namang itinanggi ng mga suspek ang paratang sa kanila.
The post Kagawad, 2 pa huli sa shabu appeared first on Remate.