PATAY ang tatlo katao kabilang ang nag-amok na barbero sa Barangay Sta. Cruz, Cogeo Antipolo City, kaninang hapon.
Ayon kay Antipolo Police Chief Supt. Arthur Masungsong, wala sa katinuan ng pag-iisip ang suspek na si Jonathan Hementiza, nang pagsasaksakin ang bawat makakasalubong sa lugar.
Patay sa pag-amok ng suspek sina Romeo Gutlay at Joseph Costa na nasaksak sa kilikili.
Sugatan naman sina Dolores Odiaman, 35; April Joy Macawile, 16; Jessie Bernardo, 54; Edwin Ergina, 46, Erika Ergina 13 at Emmanuel Dopañio na nasa Amang Rodriguez Hospital.
Sinasabing alas-12:30 kaninang tanghali nang lumabas ng barbershop ang suspek bitbit ang gunting saka sinasaksak ang bawat makakasalubong.
Iniimbestigahan naman ng pulisya ang impormasyon na ang kapatid ng isa sa mga napatay na kinilalang si Michael Gutlay ang nakapatay sa suspek na humiwalay na ang ulo sa katawan nang datnan ng awtoridad.
Inaalam na ang dahilan ng biglang pag-aamok ng salarin.
The post Barbero kumatay ng dalawa, bago napugutan appeared first on Remate.