PATAY sa bugbog ang isang lolo na nahuling namboboso sa boarding house sa Brgy. 8, Laoag.
Kinilala ang biktima na si Rudy Lagundino, 60, tubong Brgy. Abaca, Bangui, Ilocos Norte.
Nabatid na nahuli ang biktima sa tangkang pamboboso sa isang boarding house kaya’t hinuli at inendorso ng mga barangay official sa PNP Laoag.
Ngunit habang nasa PNP Laoag ay inireklamo ng matanda ang pagkahilo at ang sakit na nararamdaman sa katawan matapos aniya siyang bugbugin ng barangay chairman na si Ryan Bartolome.
Lumalabas sa awtopsiya na namatay nga sa bugbog ang matanda.
Inaalam pa kung sasampahan ng kaso ang nabanggit na nambugbog sa matanda.
The post Bosero na lolo, patay sa bugbog appeared first on Remate.