BINUWELTAHAN ni Sen. Nancy Binay si Sen. Alan Peter Cayetano sa komento ng huli na dapat imbestigahan ng Department of the Interior and Local Government (DILG) ang standoff sa pagitan nina Mayor Jun-jun Binay at security guards ng Dasmariñas Village, Makati.
Ayon kay Binay, nalulungkot siya dahil nag-react si Cayetano gayong hindi naman niya alam ang buong kuwento.
Ani Binay sumasakay pa si Cayetano sa isyu.
Maalala na nitong nakaraang linggo nang mangyari ang standoff na hindi na dapat palakihin pa.
Dahil dito, sinabi ni Cayetano na dapat mag-imbestiga ang DILG kahit walang reklamo sa ulat na pinaaresto ni Mayor Binay ang tatlong gwardya ng Dasmarinas Village nang hindi palabasin sa Banyan Gate ang kanilang convoy.
The post Sen. Alan Cayetano binuweltahan ni Binay appeared first on Remate.