KINAAAWAAN na ng isa sa presidential sister si Pangulong Benigno Aquino III dahil sa patong-patong na problemang kinahaharap nito ngayon.
Si presidential sister Victoria Elisa “Viel” Aquino-Dee ay nagpahayag ng kanyang pagkaawa sa Chief Executive dahil hindi aniya sunod-sunod ang problema nito kundi patong-patong.
“May kapatid ako na sumunod sa akin, si Viel. Sabi niya sa akin, siguro two weeks ago, “Alam mo, naaawa na ako sa’yo.” Sabi ko, “Bakit ka naaawa sa akin?” “Kasi ang problema mo, ‘di na naman sunod-sunod eh, patong-patong.” Napansin ko, oo nga ‘no. Kasi ang sunod-sunod, problema, natapos, may panibago. Pero ‘pag patong-patong, inaayos mo pa lang ‘yung isang problema, mayroon nang kasama. Pero babalik ako doon, kung mayroon man tinuro ang buhay ho natin sa atin…” ayon kay Pangulong Aquino.
Hindi naman siya pinanghihinaan ng loob sa mga problemang dumarating sa kanyang buhay dahil batid niyang lahat ay nakaranas ng problema at naniniwala siyang hindi magbibigay ng problema ang Diyos kung hindi kaya ng isang indibidwal.
The post Dahil sa mga problema: PNoy, kinaaawaan na ng kapatid appeared first on Remate.