SA tuktok ng puno ng niyog nagsaksak sa sarili ang isang problemadong magsasaka sa North Cotabato.
Kundi pa umalingasaw ang naaagnas nang bangkay ng biktimang si Raymundo Castillo, 57, ng Barangay Dolores Antipas, North Cotabato ay hindi pa madidiskubre ang kanyang pagpapakamatay, Sabado ng alas 3 ng hapon.
Bago ito, nawalang parang bula ang biktima noon pang Nobyembre 23 at nag-aalala na ang kanyang pamilya na baka may nangyaring masama sa kanilang mahal sa buhay.
Hindi naman nagkamali ang kanilang kutob dahil nakita ng kanilang mga kapitbahay ang bangkay ni Castillo na nasa tuktok ng isang punog ng niyog na ilang metro lamang ang layo sa bahay nito.
Nang kanilang ibaba ang bangkay mula sa niyog, nakatarak pa sa dibdib ang kutsilyong ginamit ng biktima.
Ayon sa Antipas North Cotabato PNP, walang foul play sa insidente lalo pa nang sabihin ng pamilya ng biktima na malungkot ito bago namatay.
The post Magsasaka nag-hara-kiri sa itaas ng niyog appeared first on Remate.