UUPO na ngayong araw si Lingayen-Dagupan Archbishop Socrates Villegas bilang bagong pangulo ng Catholic Bishops’ Conference of the Philippines (CBCP).
Maalala na sa ginanap na plenary assembly ng CBCP sa Pius XII Center noong Hulyo, hinirang si Villegas bilang kahalili ni Cebu Archbishop Jose Palma, matapos tumanggi ang huli na mare-elect.
Ang arsobispo ng Lingayen-Dagupan sa lalawigan ng Pangasinan ay nagsilbi noon bilang personal secretary ni dating Manila Archbishop Jaime Cardinal Sin at rector o tagapamahala ng EDSA Shrine at Vicar general ng archdiocese.
Taong 1985 nang maordinahan siya bilang ganap na pari at noong July 25, 2011 nang mahirang bilang auxiliary bishop ng Maynila ni dating Pope John Paul II.
Bago nagsilbi bilang arsobispo ng Lingayen-Dagupan, nagsilbi muna si Archbishop Villegas bilang obispo ng Balanga noong 2004, kung saan itinatag niya ang St. Joseph’s College of Balanga.
The post Soc Villegas bagong pangulo ng CBCP appeared first on Remate.