DINAKIP ng awtoridad ang Fil-Spanish actress na si Katrina Marie Gonzalez o mas kilala sa screen name na Beauty Gonzalez.
Ito ay makaraang kasuhan siya ng Criminal Investigation and Detection Group (CIDG) ng “obstruction of justice”.
Dinakip ang aktres sa Calapan, Mindoro, nang tangkang itakas sa kustodiya ng CIDG ang kapatid na si Michael Ryan Gonzalez na may kasong human trafficking na isinampa ng Department of Labor and Employment at Department of Social Welfare and Development.
Sinasabing nagdadala ng mga tao si Michael Ryan mula sa Caticlan, Iloilo, patungong Enrile, Cagayan Valley para magsakada.
Nabatid na sinabi lang ni Beauty na kakausapin niya ang kanyang kapatid pero agad niyang pinasakay sa sasakyan at dumiretso sa Calapan City Port upang sumakay sa passenger ferry patungong Batangas Port.
Nakatakda namang magbigay ng kanyang pahayag ang aktres.
The post Actress Beauty Gonzalez inaresto ng CIDG appeared first on Remate.