LIMA ang patay sa naganap na banggaan ng dalawang bus na mula sa Tacloban City kaninang madaling-araw sa Del Gallego, Camarines Sur.
Ayon sa ulat ni Naga P/Insp. Jonathan Victor Olvinia, naganap ang insidente alas-3 kaninang madaling-araw sa Barangay Cumadaycaday.
Ang mga behikulo ay kinasasangkutan ng Raymond bus mula sa Maynila habang patungo naman ng Maynila ang JMC Tour mula Tacloban City na lulan ang 70 pasahero na kapwa nagkabanggaan ang harapan na bahagi ng dalawang sasakyan.
Napag-alamang apat ang patay mula sa Raymond bus habang isa naman sa JMC Tour na sinasabing isa sa mga driver ng bus.
Sa ngayon, patuloy pang inaalam ng pulisya ang pagkakakilanlan ng mga biktima gayundin ang mga nasugatan na dinala sa magkakahiwalay na pagamutan sa Camarines Sur at Quezon.
Hindi pa matukoy ng awtoridad kung ano ang kabuuang pangyayari sa nasabing aksidente.
The post Bus ng ‘Yolanda’ survivors nabangga, 5 patay appeared first on Remate.