ISANG malusog na lalaking sanggol ang iniwan ng isang walang pusong ina sa isang karton ng lansones kaninang madaling-araw sa Pasay City.
Tinatayang nasa 6 hanggang 8 buwan ang sanggol at nakasuot ng berdeng T-shirt nang matagpuan sa loob ng karton ng lansones.
Sa ulat ng pulisya, alas-4 ng madaling-araw habang nagpapatrulya si Jimmy Villamor, 44, tanod sa Brgy. 83 Zone 8, nang madiskubre nito ang sanggol sa gilid ng EDSA malapit sa kanto ng Pilapil St. ng naturang lungsod.
Agad na dinala ni Villamor at kasama pa nitong tanod ang sanggol sa kanilang barangay hall upang ipaalam sa kanilang punong barangay na siya namang nag atas sa kanila na dalhin agad ito sa Pasay City General Hospital.
Matapos dalhin sa ospital ang sanggol ay binitbit ang natagpuang sanggol sa Pasay City police upang ipagbigay alam ang pagkakadiskubre dito.
Kasalukuyang nasa pag-iingat ng DSWD ng lungsod ng Pasay ang natagpuang sanggol.
The post Sanggol na lalaki, itinapon sa karton ng lansones appeared first on Remate.