ISANG fetus na tinatayang nasa pito hanggang siyam na buwan na pinaniniwalaang biktima ng abortion ang natagpuan sa timba na nasa gilid ng ilog sa Dasmariñas City, Cavite kaninang umaga.
Dakong 8:00 ng umaga nang mapadaan ang magsasakang si Florentino Elgo sa tabing-ilog sa Bongavilla, Purok 4, Brgy. Langkaan I at napansin ang isang may takip na timba.
Dala ng kuryosidad ay sinilip niya ito at laking gulat nang madiskubreng isa palang nilalangaw na fetus ang laman ng timba kaya agad na itinawag sa istasyon ng pulisya.
The post Fetus natagpuan sa timba sa Cavite appeared first on Remate.