NASILO ng Manila Police District-General Assignment Section (MPD-GAS) ang isang Korean national na umano’y matagal nang pinaghahanap sa kanilang bansa dahil sa serye ng robbery hold up.
Hawak ngayon ang suspek na si Byeongkqo Lee, 53, nanunuluyan sa 21/ F Marina Comdomnium Mabini St. Malate, Maynila.
Ayon kay P/Senior Inspector Daniel S. Buyao Jr., hepe ng MPD DPIOU dakong alas 4:30 kahapon nang maaresto ang suspek sa loob ng Korean Resturant sa George Bocobo Corner Pedro Gil street Ermita, Maynila.
Nabatid na may tatlong kasong robbery hold up sa kanilang bansa si Lee at nagtago ito sa Pilipinas.
Sa pamamagitan ng Interpol, natunton ng Korean Police na nasa bansa ang suspek kaya agad na nakipag-ugnayan ang naturang bansa sa Pilipinas para sa ikadarakip ng suspek.
Itu-turn–over naman ng MPD-GAS sa Bureau of Immigration (BI) ang kanyang deportation kung saan naghihintay ang paglilitis sa kanya sa JEONJU District Court ng Korea.
The post Wanted na Koreano, arestado appeared first on Remate.