ISA ang patay habang dalawa ang nasugatan makaraang pagbabarilin ng riding-in-tandem sa Quezon City kagabi, Setyembre 6.
Namatay noon din sa pinangyarihan ng insidente ang biktimang si Ramil Antibagos, 34, tindero ng kwek-kwek ng 149 Damayan St., Brgy. Old Balara, dahil sa tama ng bala ng baril sa iba’t ibang parte ng katawan.
Inoobserbahan naman sa East Avenue Medical Center ang mga nasugatang sina Donner Calawigan, 32 at Reynante Aranada, 27.
Ayon sa ulat, alas-10:42 kagabi nang maganap ang krimen sa harap ng Megacom Construction sa Luzon Ave. Brgy. Culiat.
Abala sa pagtitinda ng kwek-kwek ang biktima habang nakatayo naman sa paligid ang dalawa pang biktima nang biglang dumating ang isang mga suspep at pagtapat sa biktima ay mabilis na bumunot ng hindi pa mabatid na kalibre ng baril at pinagbabaril ang mga biktima.
Inaalam na ang motibo sa krimen.
The post Vendor patay sa pamamaril sa Quezon City appeared first on Remate.