BUMIGAY ang Makati City Regional Trial Court sa hiling ng kampo ni Janet Lim Napoles na iurong ang pagbasa sa kanya ng sakdal para sa kanyang kasong serious illegal detention.
Dahil dito, muling itinakda sa Setyembre 23, ala-1:30 ng hapon ang pagbabasa ng sakdal sa itinuturing na utak sa P10-billion pork barrel scam.
Unang itinakda ng korte ang arraignment sana ni Janet sa Lunes, Setyembre 9.
Una rito, sa 18-page urgent motion na inihain sa Makati RTC Branch 150, iginiit ni Napoles na mayroon pa silang nakabinbing mga mosyon sa sala ni Judge Elmo Alameda na dapat resolbahin ng hukom, kabilang ang inihain kahapon na motion for bills of particulars.
Maliban dito, hindi pa rin nareresolba ng Court of Appeals ang hiwalay na petition for certiorari na kumukuwestyon sa legalidad nang inilabas na warrant of arrest ni Judge Alameda.
The post Pagbasa ng sakdal kay Napoles, inurong appeared first on Remate.