NAKALIGTAS sa pananambang ang businesswoman at TV producer na si Cristina Decena Castillo matapos pagbabarilin ang kanilang sinasakyang Starex van sa Banawe Road, Quezon City kaninang hapon, Agosto 13, 2013.
Sugatan naman sa pananambang ang housemaid ni Decena na si Angelina Feliso, 46 ng Litrium Condominum, Makati City, nilalapatan ng lunas sa ospital.
Ayon kay PO3 Noel Bautista ng Quezon City Police District Station 1 Laloma, naganap ang insidente sa Banawe cor. Simoun Street, Brgy. Lourdez, QC ala-1:00 ng hapon kanina.
Sakay ng Starex van sila Decena at housemaid nito habang minamaneho ng anak ng una ang kanilang sasakyan at binabagtas ang Banawe St.nang pagbabarilin ng hindi kilalang mga suspek na sakay ng motorsiklo.
Nabatid sa ulat na binangga pa ng drayber ng Starex van ang motorsiklo ng mga suspek ngunit nakatakas pa rin ang mga suspek matapos mang-agaw ng delivery van.
Si Cristina Decena Castillo ay isang negosyante,TV producer at dating asawa ng TV host-comedian na si Ariel Villasanta.
The post UPDATE: Cristina Decena Castillo nakaligtas sa ambush appeared first on Remate.