PATAY ang isang rider habang kritikal ang angkas nang magkasagian ng jeep na tumakas sa Caloocan City Miyerkules ng madaling-araw, Hulyo 31.
Dead on arrival sa Jose Rodriguez Memorial Hospital sanhi ng pinsala sa ulo at katawan si Ariel Nathaniel Galaraga, 21, ng Mustang St., Camarin, nasabing lungsod habang ginagamot naman sanhi rin ng mga pinsala sa ulo at katawan si Trebor Micua, 21 ng Sitio Matarik, Camarin, nasabing lungsod.
Pinaghahanap naman ng mga pulis ang driver ng jitney (TWG-407).
Sa ulat, alas-4 ng madaling-araw, dala ng namatay ang Honda Wave habang angkas si Micua at pagsapit sa Zapote Road, Camarin ng lungsod nang makasagian ang kasalubong na jitney ng suspek.
Tumilapon ang mga biktima na naging dahilan upang dalhin sa JRMH kung saan tumakas ang suspek dala ang minamanehong jitney.
The post Rider patay sa jitney, tinakbuhan pa appeared first on Remate.