PATAY ang isang beautician makaraang pagbabarilin ng hindi pa nakikilalang salarin makaraang mang-estafa ng droga sa Quezon City kaninang madaling-araw, Hulyo 7.
Kinilala ang biktima na si Wilfredo Radomes,42, ng Brgy. Commonwealth, QC.
Ayon kay PO2 Amante Cabatic ng Quezon City Police District Station-6 Batasan, naganap ang insidente sa harap ng isang pawnshop sa Riverside, Brgy. Commonwealth, QC dakong 1:00 ng madaling-araw.
Nabatid kay Cabatic na nag-uusap ang biktima at ang suspek sa naturang lugar nang mauwi sa mainitang pagtatalo.
Agad bumunot ng baril ang suspek at pinagbabaril ang biktima.
Sinabi pa ni Cabatic na hinihinalang nang-estafa ng benta ng droga ang biktima na ikinagalit naman ng suspek.
The post Beautician na estapador ng droga itinumba appeared first on Remate.