NABAWI na ng awtoridad ang dalawang batang kasama sa kinarnap na isang Asian utility vehicle ng mga armadong kalalakihan sa Regalado Avenue sa Fairview, Quezon City nitong nakaraang Biyernes.
Kinumpirma ni Philippine National Police (PNP) Anti Kidnapping Group Director Police Sr. Supt Renato Gumban na pinalaya na ang dalawang bata na sinasabing dinukot matapos harangin ang kanilang sasakyan na isang Mitsubishi Adventure.
Ayon kay Col.Gumban, pinalaya ang dalawang bata kaninang alas-2:30 ng madaling araw malapit sa isang fastfood chain sa Quirino Ave. kanto ng Taft Avenue sa Maynila.
Sinasabing walang ransom na ibinayad ang pamilya sa paglaya ng dalawang bata.
Hindi naman porke’t nabawi na ay hihinto na ng QCPD ang pagtugis sa mga suspect para sila panagutin sa krimen.
The post 2 batang tinangay sa kinarnap na AUV sa QC, nabawi sa Maynila appeared first on Remate.