IBINASURA ni Pangulong Benigno Aquino III ang panawagan ng 13 business groups na amyendahan ang economic provisions ng Saligang Batas o Charter Change (Chacha) hanggang sa magtapos ang termino nito sa 2016.
Ang 13 business groups ay kinabibilangan ng Joint Foreign Chambers of Commerce, Philippine Chamber of Commerce and Industry, Makati Business Club at Employers Confederation of the Philippines.
Sinabi ni Deputy Presidential spokesperson Abigail Valte na wala kasing nakikitang dahilan si Pangulong Aquino para subukang isayaw ang cha-cha .
Posible naman, aniyang, magbago ang posisyon ng Pangulong Aquino sa usaping ito kung may isang taong makakapag-bigay kasagutan sa Chief Executive kung ano talaga ang pangangailangan na amyendahan niya ang economic provisions ng Konstitusyon.
“Siguro, until that time that someone is able to answer the question of the President, it will remain to not be a priority,” ang pahayag ng opisyal.
Samantala, dahil walang makasagot ng katanungan ng Pangulong Aquino sa pangangailangan na maamyendahan ang economic provisions ng Saligang Batas ay malabo rin, aniyang, maitulak ang political change.
Hanggang sa ngayon, aniya, ay hindi naman pinag-aaralan ng legal team ni Pangulong Aquino ang bagay na ito.
The post PNoy, dedma pa rin sa cha-cha appeared first on Remate.