TIKLO ang isang punong barangay sa isinagawang buy-bust operation ng Philippine Drug Enforcement Agency (PDEA) kasama ang isang mekaniko makaraang masangkot sa illegal na droga sa Barangay Punta Tabuc, Roxas City.
Nakilala ang mga suspek na sina Barangay Captain Diaster Genoves ng Pili, Panay, Capiz at ang mekaniko na si Arturo “King” Sarosa na nagmamay-ari ng bahay kubo na nagsisilbing drug den.
Itinanggi naman ni Genoves na sangkot siya sa ilegal na transaksiyon ng droga ngunit inamin na gumagamit paminsan-minsan ng ipinagbabawal na gamot.
Kabilang sa narekober sa mga suspek ang .45 caliber pistol na pagmamay-ari ng mekaniko, limang plastic sachet ng shabu, marked money na P1,000 at iba pang drug paraphernalia.
The post Kapitan, mekaniko tiklo sa droga appeared first on Remate.