SUNUD-SUNOD na lindol ang naranasan ng bayan ng Pio V. Corpuz (Limbuhan), Masbate kaninang madaling araw.
Ayon sa Philippine Institute of Volcanology and Seismology (PHIVOLCS), unang naranasan ang pagyanig na may magnitude 3.5 bandang alas-4:41 kaninang madaling araw kung saan tectonic ang pinagmulan at may lalim na 22 kilometro (km).
Bandang alas-4:47 ng madaling araw nang muling makaranas ng pagyanig ang Limbuhan na naitala ang magnitude 3.3 at may lalim na 6 km.
Alas- 4:51 ng madaling araw, tinamaan naman ng magnitude 4.0 na lindol ang lugar at may lalim namang 4 km.
Habang huling naramdaman ang pagyanig sa naturang lugar na may magnitude 3.6 bandang alas-5:41 ng madaling araw na 19 km naman ang lalim.
The post Masbate 4 beses nilindol appeared first on Remate.