NAMATAY ang isang ginang nang barilin ng isang di pa kilalang salarin habang kinukuha ang arinola sa labas ng kanilang tahanan sa Brgy. Asilang, San Juan, Ilocos Sur.
Agad na namatay bunga ng tama ng bala sa dibdib ang biktima na kinilalang si Jenny Ramos, 38, ng Asilang, San Juan.
Batay sa salaysay ng mister ng biktima na si Joseph Ramos, lumabas ang kanyang misis upang kunin ang arinola nang makarinig siya ng putok.
Agad umano siyang lumabas at nakita na lang ang kanyang maybahay na duguan at nakahandusay sa kanilang bakuran.
Ayon naman kay San Juan chief of police James Calibuso, nagsasagawa na sila ng masusing pagsisiyasat upang malaman kung sino ang mga suspek at kung ano ang motibo ng krimen.
The post Ginang binoga habang kinukuha ang arinola appeared first on Remate.