WASAK ang 20 bangkang nakadaong sa Estancia, Iloilo kanina dahil sa storm surge.
Ayon kay Western Visayas Police Chief Agrimero Cruz, kasalukuyan pa nilang inaalam ang halaga ng pinsala.
Kinumpirma rin ni Cruz na walang nasaktan sa naturang storm surge.
Matapos ang nasabing paglaki ng alon, binaha ang mga Barangay Dalisay sa Sitio Lamitaw at Brgy. Lana sa Sitio Baybay sa Barotac Nuevo, Iloilo dakong ala-1:00 ng hapon ngayon hapon kung saan 100 bahay ang naapektuhan.
Ayon pa kay Cruz, malakas na ang mga nararanasang pag-ulan sa Iloilo bagama’t hindi pa nagsisimula ang panahon ng tag-ulan.