DALAWA ang sugatan kabilang ang 93-anyos na lola sa magkahiwalay na sunog na naganap sa Quezon City kagabi, Mayo 25, 2013.
Kinilala ang nasugatan na si Helen Paraso, ng A. Bonifacio cor. Abad Street, Paang Bundok, QC.
Ayon kay SFO1 Francisco Mabunga ng Quezon City Bureau of Fire Protection naganap ang insidente sa 48 A. Bonifacio cor. Abad Street, Paang Bundok, QC alas-8:28 ng kagabi.
Sinabi sa ulat na nagtamo ng sugat ang biktima matapos tupukin ng apoy ang 4 door apartment sa kanilang lugar.
Agad din na-fire out ang sunog matapos magsidatingan ang mga bumbero.
Samantala, isang 15-anyos naman na lalaki ang nasugatan sa sunog na naganap sa Block 11, Lot 3 Residential Street, Brgy. Batasan, dakong 2:10 ng hapon kanina.
Ayon sa BFP-QC, tatlong pamilya ang nawalan ng tirahan makaraang tupukin ng apoy ang isang bahay sa lugar.
Naapula ang sunog dakong 2:21 ng hapon.