UPDATE: NAPROKLAMA na si dating pangulong Joseph “ Erap” Estrada bilang bagong alkalde ng lungsod ng Maynila.
Sina Erap at Vice Mayor Isko Moreno ay umakyat na ng stage upang pormal na tanggapin ang kanilang kopya ng certificate of proclamation.
Kasama ni Erap ang kanyang maybahay na si Dra. Loi Estrada,anak na si Senador Jinggoy Estrada.
Sa pagsara ng bilangan, nakakuha si Erap ng kabuuang bilang ng boto na 288,058 habang nakakuha lamang ang kanyang kalaban na si re-electionist Mayor Alfredo Lim ng kabuuang bilang ng boto na 257,631.
Si Moreno naman ay nakakuha ng 329,596 at si Veloso ay 196,967 boto lamang mula sa partial and unofficial tally sa mga clustered precinct.
Sinabi ni Erap na ang signifance ng kanyang pagkapanalo ay upang mabigyan ng pagkakataon na pagsilbihan ang kanyang sinilangan sa Maynila at makasuklian ang kanyang utang loob sa kanyang kababayan sa lungsod ng Maynila.
Binati rin nito si Lim ng “happy retirement” matapos itong tanungin kung ano ang kanyang mensahe sa papaalis nang alkalde ng lungsod.
Hiniling naman ni Senator Jinggoy Estrada na tigilan na ang iringan ng kanyang ama at ni Lim.
Samantala, lubos ang pagpapasalamat ng Erap-Isko tandem matapos silang maproklama ngayong umaga.
Sa pahayag ni Estrada, wala siyang hinangad kundi iaalay ang kanyang karanasan at gagawin nito ang lahat upang iangat ang antas ng kabuhayan sa Maynila.
Tiniyak naman ng bagong alkalde na kanyang ibabalik ang sigla ng Maynila upang ito ay muling maipagmalaki.
Ang Maynila aniya ayon sa pag-aaral ay may pinakamaraming mahihirap at walang trabaho kaya ito aniya ang kanyang uunahin sa kanyang pag-upo upang sa gayon ay magkaroon ng tunany na mapayapa at peace and order sa lungsod.
Gayundin, nagpasalamat din si Moreno sa lahat ng sumuporta mula sa 40 days na kanilang pangangampanya .
Sinabi ni Moreno na makakaasa ang Manilenio na gagawin nila ni Mayor Estrada upang maging maayos at pagkakaisa sa lungsod.
” Makakaasa po kayo na sa aming dalawa ni Mayor Erap , we will innitiate unity, magbubukas kami ng pintuan sa kasakuluyang adminsitrayson,hindi lamang pinto kundi bintana” ani Moreno.
Hiniling din ni Moreno na may kababaaang loob na makiisa na ang dating administrasyon sa bagong halal na alkalde ng Lungsod na si Estrada.