KULONG ang isang binata matapos mahulihan ng mga shabu sa isinagawang buy-bust operation ng mga tauhan ng Philippine Drug Enforcement Agency sa Caloocan City Biyernes ng gabi, Mayo 10.
Nakilala ang suspek na si Cedie Viernes, 19 ng Tagumpay st., Bagong Barrio ng lungsod.
Nabatid na nakatanggap ng impormasyon ang mga tauhan ng PDEA hinggil sa pagtutulak ng shabu ng suspek sa nasabing lugar.
Dakong alas-6 ng gabi, nagsagawa ng buy-bust operation sa lugar ni Viernes at nang iabot ng suspek ang isang sachet ng shabu sa tauhan ng PDEA na nagkunwaring bibili kapalit ng P500 at agad na dinamba ang binata.
Nakuhanan pa ang suspek ng pitong sachet na naglalaman ng 17 gramo ng shabu kung saan inaalam na kung saan nanggagaling ang droga ni Viernes.